ინგრედიენტები

400 გ მზა ფენოვანი ცომი

1 კვერცხის გული

150 გ ყველი ფეტა

200 გ ბერძნული იოგურტი

1 კბილი ნიორი

1/2 ლიმონის წვენი

300 გ წითელი ჩერი პომიდორი

300 გ კოქტეილ კიტრი

½ თავი წითელი ხახვი

¼ ჭიქა შავი ზეთისხილი

2 ღერო პიტნის ფოთლები

მარილი, პილპილი, ორეგანო გემოვნებით

2-3 ს/კ არარაფინირებული ზეითუნის ზეთ

მომზადების ინსტრუქცია

გააცხელეთ ღუმელი 210 გრადუსზე.
ფენოვანი ცომი გააბრტყელეთ 3 მილიმეტრამდე, გადაუკეცეთ გვერდები და ჩანგლით ჩაამაგრეთ, დაჩხვლიტეთ ძირი. მოათავსეთ საცხობ ქაღალდზე, შემდეგ საცხობ ფირფიტაზე. ფუნჯით გადაუსვით კვერცხის გულის და 1 ს/კ წყლის ნაზავი. გამოაცხვეთ 30 წუთი ან ვიდრე არ მოიბრაწება. გააგრილეთ ცხაურაზე.

მოამზადეთ ფეტას კრემი: 100 გ ფეტა, 200 გ ბერძნული იოგურტი (ან გაწურული მაწონი), ნივრის კბილი, ¼ ლიმონის წვენი დაატრიალეთ საკვების პროცესორში, კრემისებრი მასის მიღებამდე.

ბოსტნეული დაჭერით საშუალო ზომის კუბებად. ხახვი ალყა-ალყად.
გაგრილებულ ფენოვან ცომს გადაუსვით ფეტას კრემი, მოაყარეთ დაჭრილი ბოსტნეული, ხახვი, ზეთისხილი, პიტნის ფოთლები, მარილი, პილპილი და ორეგანო, დაფშვენით დარჩენილი 50 გ ფეტა. მოასხით ზეითუნის ზეთი და მოაწურეთ ცოტაოდენი ლიმონის წვენი.