ინგრედიენტები

600-700 გ სატაცური

350 მლ რძე

35 გ კარაქი

35 გ ფქვილი

1 ჩ/კ დიჟონის მდოგვი

მწიკვი მარილი, პილპილი, მუსკატი

50 გ ყველი გრუიერი ან გრანა 

1 მუჭა მოხალული ფსტა

გააცხელეთ ღუმელი 200 გრადუსზე.

მომზადების ინსტრუქცია

აადუღეთ წყალი მოზრდილი ქვაბით, სატაცურს მოაჭერით უხეში ღეროები, გარეცხეთ და მდუღარე წყალში მოწალეთ 2-3 წუთი. მოწალული სატაცური მომენტალურად გადაიტანეთ ყინულიან წყალში – ასე შეინარჩუნებს ხასხასა მწვანე ფერს.

მოვამზადოთ ბეშამელის სოუსი: ქვაბში დავადნოთ კარაქი, დავამატოთ ფქვილი და მოვხალოთ, ვურიოთ ერთგვაროვანი მასის მიღებამდე. დავასხათ ცხელი რძე და კარგად გავთქვიფოთ, ფქვილი რომ გაიხსნას, მოვხარშოთ 3 წუთი, ვურიოთ განუწყვეტლივ, სოუსი შესქელდება. დავამატოთ მდოგვი, მარილი, პილპილი და მუსკატი.

ცეცხლგამძლე ჭურჭელში ჩავასხათ სოუსის ⅓, განვალაგოთ მოწალული სატაცური, მოვაყაროთ მარილი, პილპილი, მოვასხათ დარჩენილი სოუსი, მოვაყაროთ გახეხილი ყველი და გამოვაცხოთ 30-35 წუთი ან ვიდრე ყველი ოქროსფრად არ შეიფერება.

მირთმევის წინ ვაფორმებთ დაჭრილი ფსტით.