ინგრედიენტები

400 გ ჩერი პომიდორი
400 გ ფენოვანი ცომი
200 გ ჭყინტი ყველი
100 გ პესტო (იხილეთ პლანტას შაშკვლავის პესტოს რეცეპტი)
2 ს.კ ზეითუნის ზეთი, მარილი, პილპილი გემოვნებით
ნუშის ფანტელები მოსაყრელად, სურვილისამებრ
1 კვერცხის გული ოქროსფერი ცომისთვის

მომზადების ინსტრუქცია

გააცხელეთ ღუმელი 220 გრადუსზე.

საცხობ ფირფიტაზე დააფინეთ საცხობი ქაღალდი. ცომი მოათავსეთ ფირფიტაზე, არ გააბრტყელოთ. ხელით უხეშად დატეხეთ ჭყინტი ყველი და დაალაგეთ ცომზე, კიდეები დატოვეთ ცარიელი 1 სანტიმეტრზე. მოასხით პესტო, ალაგ-ალაგ, შეავსეთ პომიდვრებით, მოასხით ზეთი, მოაყარეთ მარილი, პილპილი და ნუშის ფანტელი.

კიდეებზე ფუნჯით გადასუვით ცოტაოდენ წყალში გაზავებული კვერცის გული.

გამოაცხვეთ 25-35 წუთი ან ვიდრე ტარტი ოქროსფერად არ შეიფერება.