ინგრედიენტები

50გ ქოქოსის ზეთი

50გ სოიოს რძე 

50გ ქოქოსის შაქარი

2სკ აქვაფაბა (მუხუდოს ნახარში წყალი)

2სკ ნეკერჩხლის სიროფი

1სკ წვრილად დახეხილი ნედლი ჯინჯერი

1/2ჩკ საცხობი სოდა

1ჩკ დარიჩინი

1/2ჩკ ჯანჯაფილის ფხვნილი

მწიკვი მარილი

180გ ფქვილი (უგლუტენო ვერსიისთვის გამოიყენეთ წიწიბურას, ფეტვის, ქინოას, ნუშის, ქოქოსის ნარევი)

1-2სკ ჯანჯაფილის კანფეტები

მომზადების ინსტრუქცია

ამ რეცეპტში ჯანჯაფილი სამი სახით გამოიყენება: დახეხილი ნედლი ჯანჯაფილი, ჯანჯაფილის ფხვნილი და კარამელიზირებული ჯანჯაფილი ანუ ჯანჯაფილის კანფეტები. ჯანჯაფილის ორცხობილები იდეალური საახალწლო საჩუქარია.

ღუმელი გაახურეთ 190 გრადუსზე. ჯამში ათქვიფეთ ქოქოსის ზეთი და სოიოს რძე (მიქსერით თუ ათქვეფთ უფრო ფუმფულა გამოვა). შეურიეთ ქოქოსის შაქარი და აქვაფაბა. დაუმატეთ დანარჩენი ინგრედიენტები, ფქვილის გარდა. ფქვილი ნელნელა შეურიეთ. ჯანჯაფილის კანფეტები დაჭერით და გადაურიეთ ცომში. დაამრგვალეთ პატარა ბურთებად და დადეთ საცხობ ქაღალდზე, დააბრტყელეთ.

აცხვეთ 10 წუთი. გააგრილეთ და შეინახეთ თავდახურულ კონტეინერში. მირთმევამდე გადაუსვით თქვენი საყვარელი თხილეულის კარაქი ან ჩააწეთ თბილ რძეში.