ინგრედიენტები

500 გ ნაირფერი ჩერი

1 თავი ნიორი

ხმელი ქონდარი, მარილი, პილპილი, 2-3 ს/კ ზეითუნის ზეთი

მჭადისთვის:

160 გ სიმინდის ფქვილი

½ ჩ/კ საცხობი პუდრი

მწიკვი მარილი

100 გ არაჟანი

100 მლ წყალი

ყველის გულსართისთვის:

150 გ გაწურული მაწონი ან ბერძნული იოგურტი

40 გ გუდის ყველი

½ გამომცხვარი ნიორი

მწიკვი ქონდარი, მარილი საჭიროებისამებრ

მომზადების ინსტრუქცია

გავაცხელოთ ღუმელი 200 გრადუსზე.

პირველ რიგში გამოვაცხოთ ნიორი, რადგან ყველაზე მეტი დრო სჭირდება – გადავჭრათ თავი, მოვასხათ ზეთი, მოვაყაროთ მარილი და გავახვიოთ ალუმინის ფურცელში, შევდოთ ღუმელში 40-50 წუთით.

ჩერი პომიდორი გავრეცხოთ, გავამშრალოთ და მოვათავსოთ ცეცხლგამძლე ჭურჭელში, მოვაყაროთ ქონდარი, მარილი, პილპილი,  გადაჭრილი ნივრისგან დარჩენილი ნაწილები, მოვასხათ ზეთი და გავუშვათ ღუმელში 20-25 წუთით.

მოვზილოთ მჭადი მოცემული ინგრედიენტებით, ტარტის ყალიბებს წავუსვათ ცხიმი და გავანაწილოთ მჭადის მასა. კარგად ჩავტკეპნოთ და მოვარგოთ ყალიბს, დავჩხვლიტოთ ჩანგლით და გამოვაცხოთ 20-30 წუთი ან ვიდრე არ დაიბრაწება.

მოვამზადოთ ყველის გულსართი – საკვების პროცესორში მოვათავსოთ ყველა ინგრედიენტი და დავატრიალოთ ერთგვაროვანი მასის მიღებამდე. 

გულსართი გავანაწილოთ მჭადის კალათებში, შემდეგ მოვაწყოთ გამომცხვარი პომიდორი და გავაფორმოთ გუდის ყველის ნატეხებით.