ინგრედიენტები

ტკბილი წიწაკების მიქსი

2 ცხარე წიწაკა

3 ს/კ ზეითუნის ზეთი

2 ს/კ ბალზამირებული ძმარი

200 გ მოცარელა

რეჰანის ან ბაზილიკის ფოთლები

მწიკვი მარილი, პილპილი

მომზადების ინსტრუქცია

წიწაკები გავრეცხოთ, გავამშრალოთ, ჩავყაროთ საცხობ ყალიბში და ფუნჯით გადავუსვათ ზეთი.
გამოვაცხოთ წინასწარ, 180°-ზე გაცხელებულ ღუმელში 30 წუთი ან სანამ არ შეწითლდება.
გამოვიღოთ, გადავიტანოთ ჯამში და მჭიდროდ დავაფაროთ პლასტიკი, ასე გავაგრილოთ. როდესაც გაგრილდება, კანი მარტივად ასძვრება.
თეფშზე მოვათავსოთ კანგაცლილი წიწაკები, დანაწევრებული მოცარელა, მოვასხათ ძმარი და ზეთი, მოვაყაროთ მარილი, პილპილი და რეჰანის ფოთლები.