„GlobalGAP“ სტანდარტი მსოფლიოს მასშტაბით ყველაზე აღიარებული და გავრცელებული სასოფლო-სამეურნეო წარმოების სანიმუშო პრაქტიკის სტანდარტია, რომელიც განკუთვნილია ისეთი პროდუქციის პირველადი წარმოებისთვის, როგორიცაა ხილი, ბოსტნეული და ხორცის პროდუქტები. სტანდარტი იშიფრება როგორც სოფლის მეურნეობის კარგი პრაქტიკა და არეგულირებს სურსათის უვნებლობის, ჰიგიენის, გარემოს დაცვის, პერსონალის ჯანმრთელობის, უსაფრთხოების, კვალიფიკაციისა და სხვა მნიშვნელოვან საკითხებს, რომელთა დაცვაც წარმოების პროცესში სავალდებულოა. სტანდარტის მიზანია მომხმარებელმა სოფლის მეურნეობის უვნებელი და ხარისხიანი პროდუქტი მიიღოს.
სურსათის უვნებლობა
ჩვენი ორგანიზაციის GGN ნომერი (Global GAP-ის ნომერი): 4059883794656
სერტიფიკატის გაცემის თარიღი: 22/02/2019
სერტიფიკატის მოქმედების ვადა: 21/02/2020
აღნიშნულ ლინკზე შესაძლებელია გადამოწმდეს, რომ ორგანიზაცია დანამდვილებით ფლობს სერტიფიკატს. ამისათვის ველში Search 1 ჩაწერეთ ორგანიზაციის GGN ნომერი: 4059883794656
ISO 9001:2015 მოთხოვნების შესაბამისობა ადასტურებს მომწოდებლის სანდოობის გარკვეულ დონეს. ISO 9001:2015 -ის სერტიფიკატი ადასტურებს, რომ კომპანიაში დანერგილია და ფუნქციონირებს ხარისხის მართვის სისტემა, რომელიც აკმაყოფილებს საერთაშორისოდ აღიარებულ ISO 9001:2015 სტანდარტის მოთხოვნებს. სტანდარტის მიზანია ორგანიზაციაში ხარისხის მართვის სისტემის მსოფლიოში აღიარებული პრაქტიკის მიხედვით ფუნქციონირება, რაც დასტურდება დოკუმენტალურად.
მსოფლიო ეკონომიკის ყველა სექტორის წამყვანი კომპანია ბიზნეს ურთიერთობის დასამყარებლად ირჩევს ISO სერთიფიკატის მქონე ორგანიზაციას, რაც მის კონკურენტულ უპირატესობაში აისახება. ISO 9000 სერიის, ხარისხის მენეჯმენტის სისტემის სტანდარტები, წარმოადგენს ჩარჩო კონვენციას თანამედროვე ბიზნეს-სამყაროში კომერციული მიზნების ეფექტურად მიღწევისათვის.
სს „საქართველოს სათბურის კორპორაციამ“ დანერგა ხარისხის მართვის სისტემა ISO 9001:2015 2018 წლის 9 ივლისს, სერტიფიცირება განხორციელდა გერმანული აკრედიტირებული ორგანიზაციის TUV SUD-ის მიერ.
Natural products-ის სერტიფიკატის ფლობა პროდუქციის წარმოებისას გარეშე ნივთიერებების მინიმალურ გამოყენებას და სინთეტიკური სასუქის არ გამოყენებას გულისხმობს, ხოლო პროდუქციის დასაწყობებისა და შეფუთვისას – საწარმოში ისეთი სტანდარტების დაცვას, რომლებიც სასოფლო-სამეურნეო პროდუქციის სისუფთავეს და სიჯანსაღეს უნარჩუნებს.
“ქართულ აგრო სახლში” დანერგილია საკვების უსაფრთხოების საერთაშორისოდ აღიარებული სისტემა HACCP (Hazard analysis and critical control points) (საფრთხის ანალიზი და კრიტიკული საკონტროლო წერტილების სისტემა).
ამ სისტემის თანახმად ხდება ყოველი კონკრეტული საწარმოო ხაზის შესწავლა და ანალიზი, რის საფუძველზეც მასში ისეთი სტადიები („წერტილები“) გამოვლინდება, რომელზეც რაიმე შეცდომამ, მოუფრთხილებლობამ ან სხვა გარემოებამ, შესაძლოა საბოლოო პროდუქტის დეფექტი, დაბინძურება ან გაფუჭება გამოიწვიოს. ყველა ასეთი ეტაპი წარმოადგენს „კრიტიკულ წერტილს“, რომელზეც მუდმივი კონტროლი უნდა დამყარდეს, ანუ უნდა შემუშავდეს პროცედურა, რომლითაც მუდმივად, რუტინულად შემოწმდება, მოხდა თუ არა ამ ეტაპისთვის კრიტიკული შეცდომა და დადგინდეს რუტინული პროცედურა წუნის გაუვნებელყოფისთვის.
რა არის საკვების უსაფრთხოება?
საკვების უსაფრთხოება სურსათთან მოპყრობის, მომზადებისა და შენახვის წესებს განსაზღვრავს, რაც ძირითადად საწარმოში ჰიგიენური ნორმებისა და საკვების შენახვისას ტემპერატურული რეჟიმების დაცვას უკავშირდება.
რატომ არის საკვების უსაფრთხოება მნიშვნელოვანი?
ნებისმიერი საკვების პროდუქტის წარმოებისას თუ შეფუთვისას აუცილებელია, საწარმო მკაცრად იცავდეს საკვების უსაფრთხოებასთან დაკავშირებულ წესებს, რაც ამცირებს საკვების დაინფიცირების, შედეგად კი საკვებით გამოწვეული დაავადებების გავრცელების რისკს. ნებისმიერი არასათანადო კონტაქტი საკვებთან შესაძლოა საზიანო იყოს ადამიანის ჯანმრთელობისთვის.
“ქართული აგრო სახლის” მიერ გამოშვებული პროდუქცია საკვების უსაფრთხოების ყველა წესის დაცვით იწარმოება და იგი უვნებელია ადამიანის ჯანმრთელობისთვის.